|
|
Kwena bot lwak i kom cik me Amnesty 1. Acaki (introduction)
Tin wabino, wakelo botwu kwena me "Amnesty" - cik me kica ma ot keto cik me Uganda (parliament) okati kwede. Tam madit ma lotela dini tye kwede aye ni, ka dano bedo kacel, daa nyo lweny bene romo time. Ento ka man otime, omyero gibed piny, gilok iye aloka. Man aye omiyo lotela diniwa gubedo ka cwalo kwac bot president kacel ki parliament me Uganda ni omyero gitim kica macalo yoo acel me cobo kuku-kuku ki lweny ma dong on i lobowa. Cik me Amnesty pire kene pe biromo tic, pi man wan ducu anywali me Uganda wamio cwak i kom cik man. Watio kwede macalo yoo acel me kelo kuc ilobo Acoli. Kwo maber omyero bene ocake ki iodiwa, i gangiwa. Pi man, tim matir ki timo kica omycro onen i kwowa ducu, wek obed lanyut bot lotinowa. 2. Lok ki ikwena ma tye "Kuku-kuku ki lweny dong orii i lobo Acoli pi kare malac. Dano mapol gutoo, mogo gunongo awano maracu i komgi. Jami mapol tye ka balle; odi pwonye, odi yat, cam ki mukene mapol ma wun wunyeyo maber. Lweny man bene okelo col cwiny ki adaga-daga i kin paco ki i kin Acoli ki kaka mukene. Roco jami ma oballe, tye yoo acel ma waromo kelo kwede kuc, pien kuc aye bedo maber ki mar i kin wan dana. Kuc aa ki i cwinywa. Pi man, bk ma aa ki icwinywa kacel ki ticwa omyero obed bk ki tic ma cango bur, cwercwiny ki adaga-daga ma lweny man okebo. Omyero obed bk ki tic ma ribo dano, ma kelo ki medo genne, medo winye ki wat maber i kinwa. Tic pi kuc tye pi wan ducu ki acel acel, i rwom mapat pat. Waribbe wunu, pien kuc aye ribe ki tic kacel. "Wayabu cwinywa ki bk maleng, ki ada i kinwa, atikane, bot lotinowa ma peko me iweny man opokogi ki botwa. Wajologi labongo cego wag ret ma lweny okebo. Watudu wat odoco. Wacaku wot kacel. Cako kwo manyen mito yube. Ento, man bene mito mwole, bk ada, timo kica ki woro twero pa dano ducu. Ka i peko me lweny man itimo gin ma pe tye atir, ci yee balli, ka ikun woko. Bal gin pa dano, dok Rwot Lacwec bene pe mito ni labal otoo. En mito ni labal onong kwo manyen. in ma gitimo bal i komi, gineko nyo giwano danoni, pe itam pi culu kwoo. Ocake con ki con, Acoli pe culu too ki too. Pien adwogi me too gak too. Cik pa kwarowa ma tye mic madit ma oaa ki bot Rwot Lacwec aye ni, too omyero gicul ki kwo. Pi man, ka aroco mo otime, ci wakwayo kica. Wajolu kica bene. Bot wun, lotinowa,
ma peko me lweny man omiyo wutye i bum, pe wubwoo, wukati woko kamabeng.
Katiwu woko pe nyutu ni wugoro, ento nyutu tamwu me bedo maber pi wan
ducu i kare me anyim. Wubin, waribo cingwa pi roco ki dongo paco. Man
kwacwa madit botwu. Wujol kwac man. Rwot Lacwec ogoo tangane i kom
wan ducu. Wapwoyo"
|
|
|
|
Kacoke Madit, 173
Upper Street, London N1 1RG, UK
|
|||
